خيانة حب أو حب تغيير

السلام عليكم ورحمة الله وبركاته

البارحة قدرت اصدق أظنوني
خلص كلامي وانت غرقان تفكير...

كنت احسب انك سارحاً في عيوني
اثرك معاي وانت فكرك مع الغير...

يا خاين التفكير قمت جنوني
لا من تساوت جيتي والمعاذير...

مدري شسميها ولو عذبوني
مدري خيانة حب أو حب تغيير...

افرض بعديها وأقاوم شجوني
شالفايده ما عاد لي أي تأثير...

تعال نحسمها بحطم سكوني
تعبت من صمتاً يبي منك تفسير...

لاصرت تقدر عيش عمرك بدوني
والله آذكر هالعلاقه على خير ...

شق الصور شطب رقم تلفوني
أنسى ويعني لا أفترقنا وش يصير...

منت أول اللي بالمحبه يخوني
ياكثرهم قبلك ولا انته بالخير...

كم قلت للعالم ولا صدقوني
أن البشر فيهم مرض حب تغيير...